ليه بتعمل إعلانات على Google؟ وGoogle بيشتغل إزاي؟ 

Google هو محرك البحث الأكثر استخدامًا في العالم، وبيتم عليه أكتر من 5 مليار عملية بحث يوميًا. الناس بتستخدمه عشان تدور على أي حاجة، سواء منتج، خدمة، معلومة، أو حتى إجابة على سؤال معين.

غير كده، Google مش بس أقدم منصة بحث وإعلانات، لكنه كمان أكتر مكان بيعتمد عليه العملاء للوصول لحل احتياجاتهم، وأي حد بيدور على خدمة معينة، أول خطوة بيعملها هي البحث على Google. وده معناه إن منافسينك موجودين هناك، ولو إنت مش موجود بالإعلانات، فأنت بتسيب المجال مفتوح ليهم إنهم يستحوذوا على عملائك.

حتى لو بتستخدم SEO عشان تظهر في البحث، فإعلانات Google دايمًا بتظهر قبل النتائج المجانية، وده معناه إن المنافس اللي مشغل إعلانات عنده فرصة أكبر إنه يجذب العملاء قبلك.

Google هو أفضل منصة تقدر منها تجيب عملاء بجودة عالية، لأن العميل هو اللي بيدور عليك مش العكس. 

• تقدر تستخدم استراتيجيات إعلانية متنوعة تخليك توصل للعميل المناسب في الوقت المناسب.
• ممكن تستهدف عملاء شافوا فيديوهات لمنافسينك على YouTube.
• تقدر تستهدف عملاء دخلوا مواقع إلكترونية معينة.
• تقدر تتابع كل حركة لعميلك من وقت ما يهتم لحد ما ياخد قرار الشراء.
• تقدر تستهدف ناس حملت تطبيق معين على الموبايل.
• عندك أدوات كتير تقدر منها تحقق أفضل النتائج بأقل تكلفة.

قبل ما تبدأ إعلاناتك على Google، لازم تفهم الأول إزاي النظام بيشتغل. ببساطة، الإعلان بتاعك بيظهر للناس اللي عندها اهتمام بمنتجك أو خدمتك، وGoogle بيحدد مين يشوف إعلانك بناءً على الكلمات المفتاحية اللي بتختارها، الميزانية اللي بتحددها، وسلوك العملاء على الإنترنت.

آلية عمل إعلانات Google

المزاد الإعلاني Ad Auction

Google بيشغل نظام مزايدة، يعني لما شخص يعمل بحث بكلمة معينة، بيكون في منافسة بين المعلنين اللي مستهدفين نفس الكلمة.

المزايدة مش بس بتعتمد على الفلوس اللي انت دافعها، لكن كمان على جودة الإعلان وتوافقه مع تجربة المستخدم.

الكلمات المفتاحية Keywords 

الكلمات اللي الناس بتستخدمها في البحث هي اللي بتحدد ظهور إعلانك.

لازم تختار الكلمات الصح اللي بتجيب لك عملاء حقيقيين مهتمين بالخدمة اللي بتقدمها.

أماكن ظهور الإعلانات 

صفحات نتائج البحث Search Engine Results Pages – SERP.

• YouTube.
• Gmail Ads.
• مواقع تانية ضمن شبكة Google الإعلانية.

أنواع الإعلانات 

نص –  صور – فيديوهات – إعلانات تفاعلية.

لما تيجي تعمل حملة إعلانية على Google، لازم تعدي بخمس مراحل رئيسية 

• Campaign 

هنا بتحدد الهدف الأساسي للإعلان، هل عايز مبيعات، عملاء محتملين، أو زيادة الوعي بعلامتك التجارية.

• المجموعة الإعلانية Ad Group

في المرحلة دي، بتحدد الجمهور المستهدف، الأماكن اللي هيظهر فيها الإعلان، ومصدر العميل.

• الكلمات المفتاحية Keywords 

تحديد الكلمات اللي العملاء بيبحثوا بيها عشان يلاقوا خدمتك أو منتجك.

• الإعلان Ad 

هنا بتحدد الشكل النهائي للإعلان، سواء كان نص، صورة، فيديو، أو إعلان تفاعلي.

بتكتب العناوين، الوصف، وتحط الصور اللي بتجذب العميل. 

• الدفع Billing 

بتحدد الميزانية الشهرية، وطريقة الدفع، وتكلفة كل نتيجة أو عميل. 

في Google Ads، عندك 7 أهداف أساسية للحملات الإعلانية 

• المبيعات Sales Objective: لو هدفك زيادة المبيعات سواء على الموقع أو التطبيق.
•  العملاء المحتملين Lead Objective: لو عايز تجمع بيانات عملاء مهتمين بالخدمة اللي بتقدمها.
• التفاعل مع المنتج Brand Consideration: لو هدفك إن الناس تعرف أكتر عن منتجك أو خدمتك.
•  الوعي بالعلامة التجارية Brand Awareness: لو عايز تبني اسم قوي لعلامتك التجارية.
• زيادة زيارات الموقع Website Traffic: لو عايز تجيب ترافيك أكتر لموقعك الإلكتروني.
• الترويج للتطبيق App Promotion: لو عايز تزود تحميلات التطبيق بتاعك.
• زيارات المتجر Local Store Visits: لو عندك محل أو مكتب وعايز تجذب زوار ليه.

وكمان عندك اختيار إنك تبني الحملة بدون توجيه من Google، وتعملها Campaign without a Goal، وده الخيار الأفضل للمحترفين.

Google Ads بيقدم 8 أنواع أساسية للحملات الإعلانية، كل نوع ليه استخدام معين

Search Campaign 

لو أكتر من 1000 عميل شهريًا بيبحثوا عن منتجك أو خدمتك.

بتحدد الكلمات المفتاحية اللي بتظهر فيها إعلاناتك.

الهدف الأساسي هو توجيه العميل لموقعك الإلكتروني أو ملء بيانات.

Performance Max 

لو عندك خبرة كويسة في إعلانات Google.

بيعتمد على الذكاء الاصطناعي في تحسين الإعلانات، مع بعض التحكم اليدوي.

بيستخدم في تحقيق أعلى عائد على الاستثمار سواء في المبيعات أو جلب العملاء.

Display Campaign 

لو عايز تعرض إعلانك للعملاء حتى لو مش بيدوروا عليك.

بيظهر على مواقع كتير داخل شبكة Google الإعلانية.

Shopping Campaign 

بيستخدم في بيع المنتجات عن طريق Google Merchant Center.

مناسب لـ الـ eCommerce اللي بتبيع منتجات مباشرة.

Video Campaign 

بيعتمد على محتوى الفيديو وبيظهر على YouTube.

مناسب للي عايز يعمل إعلانات فيديو.

App Campaign 

مخصص لترويج التطبيقات وزيادة التحميلات أو التفاعل داخل التطبيق.

Smart Campaign 

طريقة سهلة وسريعة للشركات الصغيرة.

بيتم تشغيل الإعلان بشكل أوتوماتيكي بدون تدخل كبير منك.

Discover Campaign

بيعتمد على نية المستخدم وتفاعله مع المحتوى.

بيظهر على YouTube وGmail وGoogle Discover.

إعلانات Google واحدة من أقوى الأدوات اللي ممكن تستخدمها في التسويق الإلكتروني، وبتتيح لك استهداف دقيق للعملاء المحتملين، مع إمكانية التحكم الكامل في الميزانية والاستراتيجية.

سواء كنت عايز تبيع منتج، تجمع بيانات عملاء، أو تزود الوعي بعلامتك التجارية، Google Ads هتكون اختيار ممتاز لو استخدمتها بالشكل الصحيح. لكن عشان تحقق أفضل النتائج، لازم تكون فاهم كويس إزاي تختار نوع الحملة المناسب، الكلمات المفتاحية، وأفضل طرق الاستهداف