لما تيجي تفكر تبدأ Startup، أول حاجة لازم تحددها هي نوعها ايه؟ 

لإن كل نوع ليه تحدياته، فرصه، وطريقته في النجاح.

 Tech Startups

دي أكتر نوع الناس بتسمع عنه وبتتكلم فيه، خصوصًا مع انتشار قصص النجاح زي Facebook، Google، وUber. الفكرة الأساسية في الـ Tech Startups إنها بتعتمد على التكنولوجيا عشان تحل مشكلة أو تقدم خدمة جديدة. كل Startup ناجحة بدأت بمشكلة. زى Uber بدأت بحل مشكلة المواصلات وطلب التاكسي بسهولة. وبعدها طور الـ MVP Minimum Viable Product،  أول نسخة من الـ product بتاعك اللي يكون فيها المزايا الأساسية بس. واختبر فكرتك شوف الـ feedback من الناس، وعدّل المنتج على حسب احتياجاتهم. بعدها تدور على تمويل: ممكن تبدأ بـ Bootstrapping يعني من فلوسك الشخصية، أو تدور على Angel Investors أو Venture Capitalists. وفي الأخر وسع مشروعك بعد ما تتأكد إن الفكرة ناجحة، اشتغل على التوسع سواء بإضافة features جديدة أو الدخول لأسواق تانية.

تانى هقولك زى Instagram بدأ كـ Startup بسيطة لنشر الصور، وبعدين اتطور لحد ما فيسبوك اشتراه بـ مليار دولار.

Social Startups

الـ Social Startups مش هدفها الأساسي تحقيق الأرباح، لكن هدفها الرئيسي هو حل مشاكل اجتماعية أو بيئية. الفكرة هنا إنك تعمل مشروع له تأثير إيجابي على المجتمع، وفي نفس الوقت يكون مستدام ماليًا.

• حدد القضية اللي هتشتغل عليها هل عايز تحل مشكلة الفقر، البطالة، التعليم، الصحة، أو البيئة؟
• اعمل بعدها نموذج عمل مستدام يكون عندك طريقة تحقق بيها دخل مستمر يدعم المشروع.
• وابني شبكة علاقات قوية لإن النوع ده من الـ Startups بيعتمد على التعاون مع منظمات غير ربحية، حكومات، وشركات كبيرة.
• وضرورى توسع تأثيرك بمجرد نجاح النموذج الأولي، فكر إزاي توصل لعدد أكبر من الناس.

زى TOMS Shoes كل ما حد يشتري حذاء، الشركة بتتبرع بواحد لشخص محتاج.

Lifestyle Startups

الـ Lifestyle Startups معمولة للناس اللي عايزة تحول شغفها لحاجة تكسب منها فلوس، من غير ما تضطر تشتغل في وظيفة تقليدية.

• لازم تحدد شغفك بتحب السفر؟ الكتابة؟ التصوير؟ الجيم؟ استغل ده في بناء مشروع.
• بعدها ابني Audience الأول قبل ما تفكر في تحقيق أرباح، ركز على بناء مجتمع مهتم بالمحتوى أو الخدمة اللي بتقدمها.
• واختار طريقة للربح، ممكن تكسب فلوس عن طريق الاشتراكات، الإعلانات، المنتجات الرقمية، أو الخدمات المباشرة.
• وسع مجالك، بعد ما تبني قاعدة جماهيرية، ممكن تفكر في طرق إضافية لزيادة الدخل.

زى PewDiePie بدأ كـ Gamer على YouTube، وبقى واحد من أعلى الناس تحقيقًا للأرباح من الـ content. وNomadic Matt بدأ موقع عن السفر، وحاليًا بيكسب فلوس من الكتب، الكورسات، والإعلانات.

Scalable Startups

الـ Scalable Startups هي الشركات اللي بتبدأ صغيرة لكن عندها القدرة على التوسع بسرعة كبيرة.

هنا لازم تببدأ بفكرة قابلة للنمو السريع: يعني منتج أو خدمة تقدر تخدم ملايين الأشخاص من غير ما تحتاج موارد ضخمة لكل عميل جديد وطور تكنولوجيا تدعم النمو زي الـ Cloud Computing، AI، أو Automation وبعدها دور على مستثمرين من البداية لإن النوع ده من الشركات بيحتاج تمويل كبير عشان ينمو بسرعة واهتم بالـ Growth Hacking واستخدام طرق تسويقية ذكية وسريعة لجذب أكبر عدد من المستخدمين بأقل تكلفة.

أشهر مثال WhatsApp بدأ بفريق صغير، لكن بفضل التكنولوجيا والنمو السريع، فيسبوك اشتراه بـ 19 مليار دولار.

Small Business Startups

مش كل الناس عايزة تعمل شركة عملاقة. بعض الـ Entrepreneurs بيبدأوا Small Businesses هدفها الرئيسي هو تحقيق دخل ثابت.

• هنا حدد الخدمة أو المنتج وغالبًا النوع ده من المشاريع بيكون محلي، زي مطاعم، محلات، أو خدمات مهنية.
• واعتمد على التمويل الذاتي أو القروض الصغيرة مش محتاج استثمارات ضخمة عشان تبدأ.
• وكفاية انك تهتم بالعملاء والجودة وخدمة العملاء هما اللي بيخلوا النوع ده من المشاريع ينجح.
• ووسع شغلك بالتدريج ممكن تبدأ بمحل واحد، وبعدين تتوسع لفروع تانية.

وممكن تشوف مطعم ناجح زي El Malky، اللي بدأ صغير واتوسع.

مفيش نوع Startup أحسن من التاني، كل نوع ليه مميزاته وتحدياته. الأهم إنك تختار النوع اللي يناسب مهاراتك، شغفك، وظروف السوق اللي انت داخل فيه. سواء كنت عايز تبدأ Tech Startup، أو Social Startup، أو حتى Small Business، المهم تبدأ وتتعلم من كل خطوة على الطريق.