الـ SWOT هي مقارنتك للأوضاع مع منافسينك ولا يمكن تعدي عليك مرور الكرام لأن لها تأثير كبير جداً على نظام شغلك لكن لو عرفت إزاي تستفيد منها هيكون شيء كويس جداً، ويمّكنك من التحرك والتغير للأفضل.
هيساعدك على التعامل مع الحالات العادية وغير العادية من خلال أداة تكشف عن العوامل الداخلية والخارجية اللي ممكن تؤثّر على شغلك.
- Strengths
- Weaknesses
- Opportunities
- Threats
- (نقاط القوة ونقاط الضعف): لتحديد الإيجابيات والسلبيات الموجودة خارج وداخل الشركة.
- (الفرص والتهديدات): بتشتغل على تطوير إدراك كامل لوضعك في السوق، وده يساعدك على التخطيط الاستراتيجي واتخاذ القرارات.
ليه تستخدم SWOT ؟
- لاستكشاف احتمالات وجود جهود جديدة أو حلول لمشكلة في السوق أو شركتك.
- لاتّخاذ قرارات حول الطريقة الأفضل لشغلك؛ لتوضيح الاتّجاهات وفرص النجاح في سياق التهديدات اللي بتواجه نجاحك.
- لتحديد مواقع التغيير إذا كنت على مفترق طرق، ويمكن جرد نقاط القوة ونقاط الضعف، هتعرف الأولويات بالإضافة إلى الاحتمالات اللي ممكن تاخدها عشان تواجه النقاط دي.
- لتعديل الخطط في منتصف الطريق، والفرص الجديدة اللي من الممكن تفتح لك مجال أوسع، تبين لك في منتصف الطريق، هل أنت صح؟ أو لازم تغير مسارك.
الـ Strengths:
أولًا: نقاط القوة – وهنا بتدرس نقاط القوة عندك وعند المنافسين بتوعك، بتعرف إيه اللي أنت قوي فيه و تقدر تنافس بيه في السوق بتاعك، وإيه اللي المنافسين بتوعك ينافسوا بيه وبتحدده، عشان تقدر تبين قوتك في إعلاناتك وكمان تتغلب على قوة منافسينك.
تعال ناخد مثال: من نقاط القوة في تليفون ايفون إنك حامي تليفونك من السرقة، وعارف إنه لو سُرق هتعرف تجيبه؟
طيب المنافس له هو سامسونج، كانت بتنافس على إن تليفونها بينزل المياه مش بيبوظ لمدة 20 دقيقة.
وهنا كل منهم بينافس بين إزاي عنده قوة محددة بينافس بيها في منتج محدد.
الـ Weaknesses:
ثانياً: نقاط الضعف – وهي النقاط اللي إنت ضعيف فيها جدًا والنقاط اللي منافسينك ضعفاء فيها، وتحدد النقطة دي عشان تقدر تقوي نقاط ضعفك وتتميز عن منافسينك في نقاط ضعفهم.
تعال ناخد مثال: من نقاط الضعف عندك؛ إن شاليهاتك اللي بتبنيها مثلًا أو بتبيعها مش على البحر، وبكده دي نقطة ضعف وتفكر إنك تبنى ليها بحر صناعي أو حمامات سباحة.
نقاط الضعف عند منافسينك هي؛ إن تسليم العقارات بتاعتهم بتكون مش في الميعاد المظبوط، وبكده تقدر إنك تستغل ده لصالحك جداً.
الـ Opportunities:
ثالثاً : التهديدات – وهنا هتفكر في كل حاجة تعمل على تهديد منتجك، أو السوق بتاعك وللمنافس كمان.
تعال ناخد مثال: إنت فاتح توكيل من هيونداي وبـ تبيع قطع غيار سيارات هيونداى بس، وبعدها حصل مشكلة للسيارات دي ومبقتش تنزل مصر إطلاقًاٌ، وهيفضل بس منها القديم وبكده في تهديد إن مع الوقت السيارات دي هتنتهي مدة استعمالها، فلازم ولابد إنك تشتغل على أنواع مختلفة وتبعد نفسك عن التهديد ده تمامًا.
الـ Threats:
رابعاً: الفرص – وهنا بنتكلم في الشرائح السوقية ومختطفات السوق، يعنى إيه الكلام ده.
مثال: مونجيني لما وجدت شريحة سوقية كبيرة جدًا بتركب المترو كل يوم، تكاد تصل إلى مليون شخص، هنا شافت إن في شريحة غير مستهدفة ودي فرصة هايلة جدًا لازم تستغلها، وبدأت تنّزل منتجاتها في محطات مترو القاهرة وبكده هي استغلِّت الفرصة صح جداً.
مثال على منافسينك:
- إنه استغل فرصة إن في بضاعة جديدة بسعر قليل خارج مصر، وعمل منها شحنة ووصلت مصر.
- انت بدورك لازم تكون عارف ده كويس جداً، و تبتدي تفكر في حلول سريعة.
- وبكده يبقى انت حددت جميع النقاط اللي هتحتاجها، و تبتدي تشتغل عليها.
ملحوظة:
لازم تعرف كويس جميع جوانب المنتج والسوق والمنافسين، وتكون مدرك جداً بكل حاجة بتحصل حواليك وتدرسها كويس، ومن النقاط اللى طلعتها كلها تعمل مقترحات لكل نقطة
- الضعف ازاى تقوية عندك وتستغلة عند المنافس
- القوة ازاى تستغلها صح وقوة منافسينك ازي تنافسها
- التهديدات ازاى تتجنبها وتبندى حلول
- الفرص ازاى تستغلها
work with me
We can succeed together. By cooperating in Marketing For your Startup, you can take advantage of 15+ years of experience
