الـ SMART هي القاعدة اللي من غيرها لا يمكن تنفيذ خطوة في خطتك التسويقية.

وتتمثل في:

• Specific
• Measurable
• Actionable
• Relevant 
• Timely 

قاعدة الــ SMART: هي القاعدة اللي عليها بتبني الخطوات الحقيقية والفعلية في marketing Plan بتاعتك، واللي بتحدد وقت وأبعاد وكيفية تنفيذ خطتك.

كل اللي تم تنفيذ قبل كده من قواعد بيتجمع محتواها في قاعدة smart من خلال التنفيذ وصياغة القواعد السابقة.

الـ Specific:

أنك تكتب معلومات محددة و كافية لحل المشاكل بأهداف محددة واستغلال للفرص.

مثال: عندك مشكلة محددة وهي قلة فرص البيع لمنتجاتك؛ اللي هي (ملابس) ومحتاج زيادة البيع بهدف زيادة الأرباح بمعدل سنوي ويتم بفتح فروع جديدة لمحلاتك، وهنا حددت المشكلة وحددت فكرة لحلها.

الـ Measurable:

لازم تكون أهدافك قابلة للقياس؛ يعني هل يمكن تطبيق أشياء كمية أو نوعية لإنشاء مقياس محدد؟ يعني لازم يكون عندك قدرة حقيقية للوصول لهدفك.
مثال: هفتح عدد 3 فروع عشان زيادة البيع وزيادة الأرباح، وهـ يكونوا في القاهرة والجيزة والإسكندرية، وهنا حددت أرقام ومقياس عدد 3 فروع في أماكن مختلفة.

الـ Actionable:

لازم تكون أهدافك قابلة للتنفيذ، هل يمكن تنفيذ الأهداف فعلاً ؟ هل أنت قادرمادياً؟ والوقت والمجهود والعمالة قابلة للتحقيق؟.
مثال: لما هتفتح فرع الأسكندرية، هل أنت قادر فعلاً على أن تدير الفرع ده مع البعد عن القاهرة عكس فرع الجيزة؟
ولازم تكون إمكانيات أهدافك وعواملها متاحة وقابلة للتنفيذ.

الـ Relevant: 

هل هدفك مرتبط ارتباط  وثيق بالرؤية بتاعتك؟
مثال: إسأل نفسك، هل زيادة المبيعات والأرباح فعلاً هتزيد بفتح الـ 3 أفرع الجديدة؟
وده بيرجع لقياس مدى إيجابية وسلبية الفكرة.

الـ TIMELY: 

إيه هو الوقت المحدد للبداية والنهاية؟ وهل نقدر ننفذ الهدف في الوقت ده؟

الإطار الزمني إنك تحدد لنفسك وقت تبدأ وتنتهي فيه من الهدف، وهنا بتجبر نفسك على معرفة الوقت اللازم عشان تنتهي من تحقيق الهدف ده.

مثال: هنبدأ في فتح الفروع الجديدة خلال 2019 بمعدل فرع واحد كل 4 شهور.

• الفرع الأول من يناير حتى نهاية إبريل.
• الفرع الثاني من مايو حتى نهاية أغسطس.
• الفرع الثالث من بداية سبتمبر حتى نهاية ديسمبر.

 وبكده هتقدر تلتزم بنفسك وتدرك الوقت فعلاً.

ملحوظة: لازم تكون محدد واقعي مضغوط؛ عشان تعرف تطلّع أفضل نتيجة في أقل وقت وتضمن الاستمرارية.