Marketing KPIs

ايه هي مؤشرات الأداء التسويقيه او الـ Marketing KPIs

مؤشرات الأداء الرئيسية للتسويق Marketing KPIs،هي مقاييس تسويقية محددة
تتّبعها الشركات لقياس تقدمها؛ لهدف محدد داخل القنوات التسويق لتحقيق المقاييس إللي تعرف منها:

هل إنت على الطريق الصحيح
تحقيق النتائج المطلوبة ولا لأ؟
أو هل شركتك تسويقياً بتتقدم أو لأ؟
يوجد أكثر من مقياس ومؤشر يقدر يجاوب على السؤال ده.

وهما باختصار 10 مؤشرات مختلفة تقدر تستخدم بعضهم وتقدر تستخدمهم كلهم.

Sales Revenue.
Cost Per Lead.
Customer Lifetime Value.
Inbound Marketing ROI.
Traffic-to-Lead Ratio (New Contact Rate).
Lead-to-Customer Ratio.
Landing Page Conversion Rates.
Organic Traffic.
Social Media Traffic (and Conversion Rates).
Mobile Traffic, Leads, and Conversion Rates.

الـ Sales Revenue:

المبيعات اللي حققتها من إعلاناتك للشركة حققت كام بيعة من خلال إعلانك؟ من المهم فهم إيرادات المبيعات عشان تعرف مدى فاعلية إعلاناتك، لأن ببساطة مفيش شركة هتصرف فلوس على إعلان مش بيدي لها أرباح.

طيب تحسبها إزاي؟ هتحسب انت صرفت كام على إعلانك، ومردود الإعلانات كأرباح بيعية كام منها وتحسب النسبة المئوية.

الـ Cost Per Lead:

التكلفة لكل عميل من كل قناة تسويقية.

مثال: العملاء بتكون بأفضل جودة مناسبة لمنتجك من إعلان جوجل وبسعر متوسط مثلًا 19 جنيه، لكن من الفيسبوك العدد أكبر لكن جودة العميل غير متطابقة مع مستهلك المنتج وبسعر متوسط 20 جنيه.

هنا القرار إن جوجل هيكون الأفضل من حيث الجودة والسعر مقارنة بالفيسبوك لأني مش عاوز عدد وبس، ويتم تطبيق العملية على جميع قنواتك حتى لو كان شغلك traditional marketing أو digital marketing. وبكده انت حسبت وطورت من اتجاهاتك ومؤشر أداء إعلاناتك.

الـ Customer Lifetime Value:

البيع لعميل قديم يكلف من 1% إلى 10% من شراء عميل جديد، قاعدة في التسويق مهمة وهو ده اللي بيساعدك في البيع بشكل أفضل، والحفاظ على التسويق الغير مباشر وتوسيع دائرة عملائك وممكن حساب عمر عملائك بالطريقة دى. (متوسط البيع للعميل ) × (متوسط عدد المرات التي يشتريها العميل كل عام) × (متوسط وقت الاحتفاظ بالأشهر أو السنوات للعميل العادي).

الـ Inbound Marketing ROI:

هو العائد على الاستثمار في التسويق؛ هو الهدف اللي بتجري وراه أي شركة، إن حساب عائد التسويق على الاستثمار ضروري للمساعدة في تقييم أداءك الشهري والسنوي، وفي نفس القدر من الأهمية القدرة على البدء في التخطيط لاستراتيجيات والميزانيات للسنة التالية أو حتى الأشهر القادمة، بغض النظر عن النشاط التسويقي اللي بتستخدمه شركتك، عائد الاستثمار يحدد المستقبل لشركتك وزيادة رأس مالها.

لازم تعرف بتكسب كام من حملاتك التسويقية وممكن تحسبها كده (نمو المبيعات – الاستثمار في التسويق) الاستثمار في التسويق = العائد على الاستثمار.

الـ Traffic-to-Lead Ratio / New Contact Rate:

نسبة التفاعل على موقعك و قنواتك التسويقية، لازم تعرف المردود على قنواتك التسويقية وموقعك فين! إذا كان الأداء في تزايد ومتفاعل هتشتغل على زيادة أكثر، ولو في تناقص فكده في إشارة لتعديل المحتوى أو الاستهداف أو في شيء خاطئ ولازم تعمل على تحسين الـ CTR.

الـ Lead-to-Customer Ratio:

بعد كل جهود التسويق، مهم تعرف عدد العملاء المتوقعين إللي تبيع لهم من فريق مبيعاتك، هـ تحتاج حساب كل من معدل تحويل، العميل المتوقع المؤهل لمبيعاتك، ومعدل تحويل العميل المتوقع.

إيه الفرق بين الاثنين؟

العملاء المتوقعين المؤهلين للمبيعات:هم عملاء متوقعين يُعتبروا جاهزين للمبيعات استنادًا إلى النتيجة المرجوة أو الأنشطة اللي كملوها، هـ تأخذ معظم الشركات بعين الاعتبار عميلًا قام بملء نموذج، مثال: “للحجز اتصل بممثل خدمة العملاء”، ثم الاتصال، وهو عميل جاهز لشراء الخدمة أو المنتج، على سبيل المثال: تعتبر شركة إدارة الفنادق العميل اللي ملء الاستمارة “استئجار حجرة” كـ عميل مبيعات مؤهل.

العملاء المتوقعين الذين يتم قبولهم: مجرد عملاء متوقعين بـ يدرسهم فريق المبيعات، واتصلوا بالعملاء المتوقعين مباشرةً أو من خلال مكالمة.

الـ Landing Page Conversion Rates:

معدلات تحويل العميل بعد متابعة وإجراء مقابلة، أو قراءة عروضك التسويقية.

راقب معدل التحويل بعد قراءة عروضك التسويقية أو المتابعة مع العميل.

مثال: نسبة عدد الزيارات إلى نسبة العملاء المتوقعين، إذا كانت إعلانات أو منشورات عروضك بتاخد على عدد كبير من الزيارات والقراءة، لكن معدل التحويل والشراء قليل، هنا إنذار بأن في حاجة غلط.

الـ Organic Traffic:

أي بيزنس بـ يستخدم التسويق للحصول على معظم زياراته من خلال جوجل، أو زيارة صفحات الفيسبوك وقنواته التسويقية ارتفاع عدد الزيارات من العملاء بدون إعلانات أو دفع؛ يعني إن الناس بتوصل لموقعك أو صفحتك بسهولة ومستفيدين منك. وده بيدل على نجاح استراتيجية تحسين محركات البحث، وده مؤشر مهم جدًا لأهدافك.

الـ Social Media Traffic and Conversion Rates:

النتائج من صفحاتك على السوشيال ميديا زى Facebook , LinkedIn, Pinterest, Instagram، بالتأكيد عميلك مش موجود في كل القنوات دي، لكن هو موجود في واحدة منهم على الأقل، اعرف عميلك في أي قناة ومهم مقياس أعلى عائد من أي قناة، ولكن تقسيمها حسب عدد العملاء المتوقعين والزبائن، ونسبة الزيارات هتساعدك على تحديد قناة لتركيز جهودك فيها.

الـ Mobile Traffic, Leads and Conversion Rates:

في الفترات الأخيرة، نسبة التفاعلات والمتابعات من العملاء بتكون من خلال الموبايل، ولازم تعرف عميلك مؤشرات متابعته لك من الموبايل، ولا من التابلت، ولا من الكمبيوتر، بعض الشركات بيقتصروا في حملاتهم على شيء واحد بدون مقياس للعوائد والنسب، وده ببدي لظهورك في المكان الغلط.

دي كانت أهم 10 نقاط لقياس مؤشرات الأداء التسويقية؛ فجرب تشتغل وتحلل أدائك خلال الفترة ما قبل الـ Plan بتاعتك.

ملحوظة:لازم تحدد أهدافك، ومنها تحدد معايير نجاحك.

النجاح في إنك تعرف إنت بتتطور في تسويق منتجك ولا لأ؟، وهل بتحقق نتائج ولا لأ، ومش البيع هو المعيار الوحيد.