كل واحد فينا في لحظة معينة جات له فكرة startup وحس إنها ممكن تقلب الدنيا. بس الفكرة لوحدها مش كفاية، لازم نتأكد إنها valid وتستاهل الاستثمار فيها قبل ما نضيع وقتنا ومجهودنا. طيب إزاي نعمل validation للفكرة؟ خليني أحكيلك الموضوع بأسلوب بسيط مع أمثلة من الواقع.

أول حاجة لازم تسأل نفسك: “هل في مشكلة حقيقية الناس بتعاني منها؟” 

لأن معظم الstartups اللي فشلت كانت بتحاول تبيع حاجة محدش محتاجها. مثلا، في Founder كان عنده فكرة لapp يساعد الناس تلاقي events حواليهم بسهولة، بس لما عمل validation اكتشف إن معظم الناس يا إما بتستخدم Facebook events أو عندهم circle صغيرة بيسألوا بعض فيها. فبالتالي، الفكرة ما كانش ليها demand حقيقي.

بعد ما تحدد المشكلة، لازم تتكلم مع الtarget audience بتوعك. 

متعتمدش على رأيك الشخصي لأنك مش السوق كله! في مرحلة الcustomer discovery بتعمل interviews وتسأل الناس عن مشكلتهم، إزاي بيحلوها حاليا، وهل فعلا محتاجين حاجة جديدة ولا لأ. في founder مصري كان عاوز يعمل platform لتوصيل الأكل الصحي للgym lovers، بدأ يعمل interviews مع ناس كتير واكتشف إن معظمهم بيحضّروا أكلهم بنفسهم لأنهم واثقين في الـ ingredients. هنا فهم إن الassumption اللي كان عنده غلط.

بدل ما تقعد شهور تطور product كامل وبعدين تكتشف إنه مش مطلوب، جرب تعمل حاجة بسيطة وسريعة وتختبر بيها السوق. 

لازم تبص على السوق وتشوف المنافسين. 

لو الفكرة جديدة تماما، اسأل نفسك: “ليه محدش عملها قبل كده؟” ولو في منافسين، شوف إزاي ممكن تتميز عنهم. مثلا، لو فكرت تعمل online bookstore في مصر، هتلاقي إن في شركات كبيرة زي Jumia وAmazon بتبيع كتب بالفعل، فإزاي هتكون مختلف؟ هل عندك unique value proposition؟

واحدة من أفضل طرق الvalidation إنك تخلي الناس تـ commit حتى قبل ما الـproduct يجهز. 

مثلا، ممكن تعمل landing page وتطلب من الناس يسجلوا emails بتاعتهم عشان يكونوا أول ناس يجربوا الخدمة. لو لقيت عدد كبير سجل، ده معناه إن في اهتمام حقيقي. في founder مصري عمل كده مع فكرة subscription box لمنتجات organic، ولما لقى إن عدد كبير سجل، بدأ فعلا في التنفيذ.

جزء مهم من الvalidation هو التأكد إن الفكرة مش بس جذابة، لكن كمان مربحة. 

هل عندك نموذج ربح واضح؟ هل العملاء مستعدين يدفعوا؟ في بعض الstartups بتفشل لأنها بتقدم حاجة الناس محتاجاها لكن مش مستعدة تدفع فلوس مقابلها. مثلا، كان في startup بتقدم خدمة لإدارة المهام للشركات الصغيرة، بس بعد ما بدأوا يبيعوا اكتشفوا إن معظم الtarget audience مش عاوز يدفع، ويفضل يستخدم solutions مجانية زي Trello وNotion.

قبل ما تدخل بفلوس كتير في startup، اسأل نفسك: “هل ممكن أنمو بسرعة وأوصل لعدد كبير من الـ customers؟” 

بعض الأفكار بتبقى مربحة بس مش scalable، يعني لو محتاج manpower كتير لكل عميل جديد، هيبقى عندك bottleneck. مثلا، لو عملت startup بتقدم خدمات تدريب شخصي، هل هتقدر تخلي الservice automated أو تscale بطريقة ما؟

بعد ما تبدأ testing لازم تكون عندك feedback loop. 

اسأل العملاء باستمرار عن تجربتهم، إيه اللي عجبهم، وإيه اللي محتاج يتحسن. المنتجات الناجحة بتتطور بسرعة بناءً على feedback السوق. Twitter مثلا، بدأ كplatform للpodcasting، لكن بعد feedback المستخدمين، اتطور للـ microblogging اللي نعرفه دلوقتي.

الـ startup فكرة لوحدها مش كفاية، أهم حاجة إنك تتأكد إن الفكرة valid. اسأل نفسك: في مشكلة حقيقية؟ في ناس محتاجة الحل بتاعك؟ جرب تعمل MVP؟ السوق مستعد؟ لو جاوبت على الأسئلة دي، هتعرف تاخد قرار تكمل، تعدل، ولا تدور على فكرة تانية.