تحديد أهداف التسويق Marketing Goals هو الخطوة الأولى والأساسية لأي استراتيجية تسويقية ناجحة فبدون أهداف واضحة تصبح الجهود التسويقية مشتتة وغير فعّالة تساعد أهداف التسويق على توجيه الأنشطة التسويقية قياس الأداء وضمان تحقيق نتائج ملموسة تتماشى مع أهداف العمل العام سواء كنت تسعى لزيادة الوعي بالعلامة التجارية او جذب المزيد من العملاء أو تحسين ولاء العملاء الحاليين فإن تحديد أهداف واقعية وقابلة للقياس هو المفتاح لنجاح استراتيجيتك التسويقية.

الـ Marketing goals:

هي الأهداف اللي من خلالها بنحدد الإجراءات والخطوات اللازمة بصورة تضمن تحقيق أهداف الشركة عن طريق التسويق للمنتجات والخدمات، وبتتيح تقييم مدى القدرة على تحقيق الهدف في السوق المستهدف للعملاء بما يتناسب مع الفئة السعرية والمكان المناسب.

ومن الأمثلة على الأهداف: السعي لزيادة وتعزيز وعي 1000 من العملاء المحتملين بالمنتج الجديد، وده من خلال التواصل مع عدد من العملاء الجدد أسبوعياً وهكذا لتحديد مدي قبول العملاء في السوق للمنتج بالسعر المحدد.

Define your target market:

تحديد السوق المستهدف، وهنا تحدد سوق معين موجود فيه شريحة محتاجه المنتج ده. 

مثال على كده، التوكتوك اللي اخترق السوق من سنين تقريباً، واللي أدى لنجاح تسويق المنتج ده؛ هو احتياج الأحياء الفقيرة لخدماته في أماكن محددة وأوقات محددة.

Define your target audience:

تحديد الفئة المستهدفة  اللي يمكن أن تكون أكثر إقبالاً من غيرها على استهلاك المنتجات والسلع والخدمات اللي بتقدمها الشركة، بحيث يتمّ ذلك بطرق مختلفة، زي تحديد الخصائص الديموغرافية لنفس الفئة، وده بيشمل الجنس، والعمر، ومستوى الدخل، وحتى المستوى التعليمي، و هنا ممكن اختيار العميل الأفضل أو العمل الأنسب للشركة ومثال عليه، إحدى شركات العقارات مش بتقبل شراء منتجاتها من عملاء أقل من مستوى A اجتماعياً وجغرافياً وسلوكياً وعلمياً وده كان لهدف ما عندها.

Expand the distribution center:

هو زيادة مناطق التوزيع بحيث يكون هدف الشركات مثلاً، فتح خمس قنوات جديدة للتوزيع شهرياً خلال العام الواحد، مع العلم إنّ الطريقة دي تعتبر من أهم الطرق اللي ممكن توصل المنتجات اللي بتقدمها الشركات عشان تكون متاحة للمستهلكين أو الزبائن، وممكن عرض المنتجات على الإنترنت، أو عن طريق عرضها في المحلات، لزيادة البيع بشكل ملحوظ.

الـ Sales Increase:

إن الفرق كبير جدًاٌ بين زيادة نسبة البيع وزيادة نسبة الأرباح، وده بيعمل خلل واضح عند بعض المسوقين؛ يعني لما نتكلم عن زيادة نسبة المبيعات يبقى كمثال؛ عندنا بضاعة فائضة وهدفنا نتخلص منها، زي شحنة فاكهة الموز قاربت على التلف، بعدها بيكون هدفي أزود المبيعات للتخلص من الشحنة، ولو بثمنها يعني أبيع 15 وحدة بـ 5 جنيهات بدلًا من 10 وحدات فقط.

الـ Profits Increase:

زيادة نسبة الأرباح هي عكس المبيعات، يعني هبيع 5 وحدات بـ 15 جنية بدلاً من 10 جنيه، ودي طريقة غير إنى عشان أزود أرباح، أزود منافذ بيع، أو أنتج منتجات في أسواق مختلفة، وأفكار كتير طبعًاُ.

طيب نلخص زيادة المبيعات والأرباح عشان ننتهي منها:

• المبيعات: هتبيع 15 وحدة بـ 5 جنيه بدلاً من 10 جنيه.
• الأرباح: هتبيع 5 وحدات بـ 15 جنيه بدلاً من 10 جنيه.

الـ Opportunites Expanding:

هو اتساع الفرصة لعرض عدد كبير من السلع، وهنا بتتكلم في فتح منافذ جديدة أو توسيع منافذ بيعك على الإنترنت يعني لو ببيع على موقع سوق وجوميا مثلاً، يبقى هدفي الشهر الجاي؛ أبيع على الفيسبوك وانستجرام؛ عشان أخلق فرصة لعدد أكبر من السلع يتناسب مع كل قناة تسويقية.

التطوير المستمر على حسب احتياج العرض والطلب، لازم تطور من منتجك ومن شغلك وإلا هتنتهي، وهنا في أمثلة كتير جدًاٌ زي؛ مثلاً -نوكيا وياهو- كانوا مش متابعين التطور، إذًا من أهدافك إنك تطور منتجاتك وأسواقك سواء كانت خدمة أو سلعة.

ملحوظة: 

أهداف التسويق هى حجر الأساس في الخطة التسويقية لأي شركة كونها نقطة البداية، ويتمثل ده في وجود رؤية محددة وواضحة، تحديد كل المهام المراد إنجازها خلال الوقت الحاضر وخلال العام المقبل، وطبعًا التركيز على كافة التفاصيل المتعلقة بالشغل خلال الفترة دي