خطوات خطة المحتوى اللي تعملها عشان تبدأ تنتج محتوى فعلاً
الخطة دي هتساعدك تبدأ تشتغل بشكل عملي على كتابة الـ Content وتدرب نفسك على إنتاج محتوى فعال يخدم أهداف البيزنس.
- Identify Your Purpose
أول خطوة إنك تحدد الهدف الأساسي من المحتوى اللي هتقدمه خلال فترة زمنية معينة، وليكن شهر.
- هل هدفك زيادة عدد العملاء؟
- عايز توعي الجمهور بمنتجك أو تبني براند قوية؟
- محتاج تحقق مبيعات أكتر؟
تحديد الهدف هو اللي هيحدد شكل المحتوى، وطريقة عرضه، والجمهور اللي هتستهدفه.
- Set Your Priorities
حدد أولوياتك في المحتوى.
- هل هدفك الأساسي هو التفاعل مع الجمهور عشان تفهمهم أكتر؟
- ولا عايز تركز على المبيعات المباشرة؟
- هل محتوى تعليمي ولا ترفيهي؟
كمان لازم تخصص وقت لوضع استراتيجية تسويق بالمحتوى مناسبة، زي ما شرحنا قبل كده.
- Determine Your Organizational Goals
قبل ما تبدأ، لازم تفهم أهداف البيزنس نفسه:
- الشركة عايزة تحقق إيه من المحتوى؟
- محتاجة زيادة المبيعات ولا تحسين صورة البراند؟
استراتيجية المحتوى لازم تكون متوافقة تمامًا مع الأهداف دي، علشان المحتوى يكون مؤثر بجد.
- Know Your Audience
معرفة جمهورك واحدة من أهم الخطوات في نجاح المحتوى.
- هل الجمهور اللي هيوصل له المحتوى فعلًا مهتم؟
- هل هيضيف له قيمة؟
- أي القنوات اللي بيتواجد عليها الجمهور بشكل أساسي؟
مش المهم تكون متواجد في كل مكان، لكن الأهم تكون في المكان اللي جمهورك بيستخدمه فعليًا وبيبحث فيه عن المعلومات اللي انت بتقدمها.
- Choose Your Content Type
بعد ما عرفت جمهورك والهدف من المحتوى، لازم تحدد الطريقة اللي هتوصله بيها.
- هل هتعتمد على المقالات والمحتوى المكتوب؟
- ولا الفيديو هيكون مناسب أكتر؟
- هل محتوى مرئي زي الإنفوجرافيك هيكون مفيد؟
كل منتج أو خدمة ليهم نوع محتوى مختلف يناسبهم، والتجربة مع مرور الوقت هتحدد لك أنسب نوع محتوى لجمهورك.
- Find Your Uniqueness
- إزاي تخلي المحتوى بتاعك مميز عن باقي المحتويات اللي بتنزل كل يوم؟
- هل عندك فكرة جديدة تضيف للجمهور؟
- هل المحتوى بتاعك بيحكي قصة تلمس مشاعر العميل؟
كل يوم بيتنشر آلاف المحتويات، علشان كده لازم يكون عندك زاوية مختلفة في طرح الفكرة، وتركز على الجانب اللي فعلاً يهم جمهورك.
- Research Trends
مهم جدًا تتابع الترندات واتجاهات السوق.
- هل في ترند تقدر تستخدمه في المحتوى بتاعك؟
- هل الترند ده مناسب لجمهورك ولقيمة المنتج اللي بتقدمه؟
الدراسات بتقول إن 86% من المشترين بيحبوا المحتوى التفاعلي أو المرئي أكتر من المحتوى النصي التقليدي، فخليك دايمًا متابع لأحدث الاتجاهات.
- Set a Budget
لازم تحدد ميزانية التسويق بالمحتوى:
- هل هتصرف ميزانية شهرية ثابتة؟
- ولا كل حملة تسويقية هيكون ليها ميزانية منفصلة؟
تكلفة الفيديو مش زي تكلفة المقال أو الصورة، فلازم تحدد أولوياتك بناءً على الإمكانيات المتاحة.
- Optimize Your Content for Search
تحسين المحتوى لمحركات البحث (SEO) مهم جدًا لنجاحه.
- إيه الكلمات المفتاحية اللي جمهورك بيبحث عنها؟
- إزاي تقدر تخلي المحتوى يظهر في نتائج البحث لفترة أطول؟
- هل عندك خطة لتحديث المحتوى القديم عشان يفضل مناسب؟
كل التفاصيل دي بتفرق في ظهور المحتوى وانتشاره بشكل أسرع.
- Brainstorm Content Ideas
بعد ما حددت الرسالة، والجمهور، والميزانية، والكلمات المفتاحية، جه وقت توليد الأفكار:
- اختار موضوعات تناسب جمهورك وتكون متوافقة مع الهدف العام للمحتوى.
- فكر في الأسئلة اللي الجمهور ممكن يسألها عن منتجك أو خدمتك، وحاول تجاوب عليها في المحتوى.
- حدد أسلوب عرض المحتوى: هيكون في شكل قصة؟ ولا عرض مباشر للمعلومة؟
المحتوى الناجح دايمًا بيجاوب على الأسئلة اللي بتيجي في ذهن الجمهور بشكل واضح وسهل.
- Commit to a Schedule
نشر المحتوى بشكل مستمر ومنتظم هو الفرق بين النجاح والفشل.
لازم يكون عندك جدول زمني واضح، متناسق مع كل القنوات اللي بتستخدمها.
مش منطقي إنك تتكلم عن “إنشاء المحتوى” النهاردة، وبكرة تنزل محتوى عن “أساسيات التسويق”.
لازم يكون في ترتيب منطقي للأفكار بحيث المحتوى يبني على بعضه.
المحتوى على كل منصة ممكن يكون مختلف، لكن لازم يكون في إطار متناسق يخدم هدف واحد.
- Draft a Promotion Strategy
- إزاي هتوصل المحتوى للجمهور؟
- هل هتستخدم إعلانات مدفوعة؟
- هل هتعتمد على Influencers؟
- هل هيكون في شراكات مع براندات تانية؟
حسب الإحصائيات، 66% من التسويق بالمحتوى بيتم على الإنترنت، و34% بيتم عبر وسائل أخرى، فمهم تحدد القناة اللي هتستخدمها وطريقة الترويج المناسبة.
work with me
We can succeed together. By cooperating in Marketing For your Startup, you can take advantage of 15+ years of experience
