أي حد عايز يفتح Business جديد، أو حتى يطور اللي عنده، لازم يسأل سؤال أساسي السوق عامل ازاي؟ والناس اللي المفروض يشتروا المنتج أو الخدمة دي محتاجينها فعلًا؟
ده اللي بيسموه Market Research و Customer Discovery.
تخيل إنك فتحت كافيه جديد في منطقة معينة لأنك شايف إن الناس بتحب القهوة، لكن بعد 6 شهور تلاقي إن المكان مش بيبيع زي ما كنت متخيل. ليه؟ لأنك افترضت إن الطلب موجود، بس الحقيقة إنك معرفتش نوع العملاء، عاداتهم، ولا المنافسة في المنطقة دي.
- أول حاجة لازم تعملها إنك تبص على المنافسين. مثلًا، لو إنت بتفكر تفتح تطبيق توصيل أكل، لازم تعرف التطبيقات الموجودة زي Talabat و Uber Eats شغالين ازاي. هل عندهم مشاكل معينة؟ في مناطق مش بيغطوها؟ نوع العملاء اللي بيستخدموهم إيه؟
- لازم تفكر السوق ده حجمه عامل إزاي. مثلًا، لو إنت بتعمل منتج بيستهدف الأمهات، يبقى تسأل: كام أم موجودة في المدينة اللي بتستهدفها؟ وازاي بيشتروا المنتجات المشابهة؟ هل هما أكتر Online ولا لسه معتمدين على المحلات التقليدية؟
- السوق بيتغير بسرعة، فمهم تعرف الـ Trends اللي بتحصل. مثال، لو كنت بتفكر تعمل Startup لبيع الملابس، ضروري تعرف هل الناس بتميل أكتر لـ Sustainable Fashion؟ هل الـ Online Shopping بقى أقوى بكتير عن السنين اللي فاتت؟
- محتاج ترسم صورة واضحة عن الشخص اللي ممكن يشتري منك. مثلًا، لو إنت بتبيع منتجات Fitness، هل بتستهدف الشباب اللي بيروحوا الجيم؟ ولا الأمهات اللي عايزة تحافظ على صحتها في البيت؟
هنا بتيجي الخطوة المهمة: لازم تتكلم مع عملاء محتملين. الموضوع مش Survey أونلاين وخلاص، لكن Interviews حقيقية. مثلًا، لو إنت بتعمل App لمساعدة الطلاب، جرب تقعد مع 10 أو 20 طالب وتسألهم عن مشاكلهم في المذاكرة. إيه اللي بيسهل عليهم؟ وإيه اللي بيتمنوا لو كان متاح؟
بعض الناس بتكسل تعمل Interviews، لكن الحقيقة إنك لو بدأت تستثمر في إنك تفهم الناس، ده هيوفر عليك فلوس ومجهود كبير بعد كده. مثال حقيقي، في Founder كان بيعمل منصة توظيف، وبعد ما قضى 3 شهور بيكلم HR Managers اكتشف إن مشكلتهم الأساسية مش في إيجاد الموظفين، لكن في تقييمهم! فغير ال Product بالكامل علشان يحل المشكلة الحقيقية.
لو هتفتح eCommerce Store لبيع أدوات تجميل، لازم تعرف الآتي:
- الناس بتشتري أكتر منين؟ هل من Instagram ولا مواقع زي Amazon و Noon؟
- نوع المنتجات اللي عليها طلب كبير؟ هل Organic Skincare هو التريند؟
- الأسعار المنافسة عاملة ازاي؟ وهل العملاء حساسين للسعر ولا لأ؟
لو ناوي تفتح مطعم، متاخدش قرار بناءً على رأيك الشخصي بس، لكن جرب تعمل اختبار بسيط:
- اعمل Stand بسيط في شارع حيوي، وجرب تبيع أكلة معينة لمدة يومين.
- راقب الناس: هل بيحبوا المنتج؟ هل السعر مناسب ليهم؟ هل بيسألوا عن حاجة مش موجودة؟
ازاي تجمع البيانات بطريقة ذكية؟
- Google Trends و Keyword Research: تقدر تعرف الناس بتدور على إيه في مجالك.
- Social Media Listening: تابع التعليقات والـ Reviews على المنافسين.
- Landing Page Test: جرب تحط صفحة ويب فيها إعلان للمنتج حتى قبل ما تجهزه، وشوف هل الناس مهتمة ولا لأ.
- Test Ads: جرب إعلانات على Facebook أو Instagram بمبالغ صغيرة، وشوف أي Audience بيتفاعل أكتر.
Market Research و Customer Discovery مش رفاهية، لكن خطوة أساسية لأي Business ناجح. متفترضش إنك فاهم السوق، لكن اسأل، جرب، وحلل البيانات اللي بتجمعها. كل Founder ناجح عنده قصة عن تجربة عملها في الأول غيرت وجهة نظره، والمهم إنك تكون مستعد تتعلم وتعدل خطتك قبل ما تستثمر وقتك وفلوسك في فكرة مش مؤكدة.
work with me
We can succeed together. By cooperating in Marketing For your Startup, you can take advantage of 15+ years of experience
