إطار تسويقي لتحليل البيئة التي تقوم العمل فيها وتوفر لك نظره عن نجاح الشركة مستقبلاً، والتعرض للمخاطر والعوامل البيئية المختلفة وتتكون من جوانب مختلفه .

• Company
• Competitors
• Climate
• Customers
• Climate

الـ Company:

 يمكنك التحدد اذا كانت شركتك في وضع يسمح لها بتلبية احتياجات العملاء أم لأ، اذا كانت قادره على تنافس قي السوق ام لا، وايضاً إذا كانت شركتك لديها خط الإنتاج المناسب والخبرة لتأخذ جزء محدد من السوق أو لأ.

وعلى سبيل المثال :

• نقاط القوة: مثل المنتجات الخاصة بالشركة مبتكرة و تمتلك الخبرة عن باقي السوق؟
• نقاط الضعف: مثل عدم وجود دعم فني أو متوسط جودة المنتج عكس توقع العملاء.
• الفرص: سوق جديد تقدر تنزل فيه أو منتج جديد أو سوق منافس ضعيف تقدر تستغله.
• التهديدات: منافس جديد أو حرب أسعار في موسم مش هتقدر تدخلها.

الرؤية: كتير مننا بـ يتلغبط بين الرؤية والهدف والرسالة، ركز كدا وتعال نشوف الرؤية إيه هي، كمثال:

إنت عندك منتج دلوقتي ألا وهو ( قماش)، تبقى رؤيتي خلال الخمس سنوات القادمة؛ أكون من أوائل المصدرين لـ القماش القطني في مصر …تمام؟؛ دي رؤية محتاج إني أوصل لحاجة بشكل عام.

الهدف: خلاص إحنا حطينا رؤية نبني عليها الهدف، يبقى هدفي في خلال الخمس سنوات القادمة لتحقيق هدف محدد، وهو إني أغطي احتياج سوق معين، وأوسع أرباح الشركة لخمسة أضعاف؛ عشان أقدر من كل ضعف تحقيق زيادة بعد خمس سنوات، أصدر منتجاتي خارج مصر.

وبكدة كانت الرؤية عامة: هي إني أصدر خارج مصر.
والهدف محدد: تحقيق أرباح خلال خمس سنوات بمعدل محدد؛ هو خمسة أضعاف عشان من خلالهم أقدر أحقق الرؤية.

الـ Competitors:

قبل كل شيء، هـ تحتاج تعرف مين اللي بـ تنافسه في تلبية احتياج العملاء، كم من الشركات معك في المجال؟ 

• بطريقة مباشرة (يعني بيبيع نفس منتجك ويستهدف نفس عملائك)
• بطريقة غير مباشرة (يعني بـ يبيع منتج مشابه وبديل عند العملاء لمنتجك)

 أي هي نقاط القوة والضعف عندهم؟ تقدر تنافسهم بأي استراتيجية؟

الـ Climate:

تقييم  العوامل البيئية الكلية، يعني العوامل الخارجية؛ البيئة الاقتصادية، والسياسية، والتنظيمية. 

على سبيل المثال: 

• الموضة والاتجاهات الاجتماعية للمجتمع، أي البيئة الاجتماعية / الثقافية، وهي جزء من “المناخ العام لشركتك”.

ودة بـ يشمل فحص المناخ؛ تحليل البيئة التكنولوجية. 

يعني إيه هو تأثير التكنولوجيا على الطلب، على سبيل المثال:

يستخدم مصطلح PEST، في تحليل المناخ، ويعني العوامل  السياسية والاقتصادية والاجتماعية والتكنولوجية.

الـ Customers:

لازم تعرف عميلك كويس جداً جداً، وإلا مش هتعرف تبيع لأنك مش عارف بتبيع لمين!. طيب محتاج تعرف إيه عن العميل؟، ببساطة حسب المجتمع اللي هتشتغل عليه …

تعال ناخد المجتمع المصرى اللى بيتحكم فيه الرأسمالية شوية؛ معاك كام؟ تاخد إيه؟، معاك مليون تسكن في التجمع، معاك كام ألف تسكن في شبرا وهكذا. يعني لازم تعرف دورة حياة عميلك عاملة إزاي، يقضي الاجازة فين، ولا معندوش اجازات أصلاً، بياكل أكل من عربية فول، ولا بيفطر جبنة رومي.

• يعني لو بتبيع حجاب: يبقى العميلة مسلمة محجبة.
• لو ببيع قمصان كلاسيك رجالي يبقى العميل بتاعي شغله عمل إداري وهكذا.

الـ Collaborators:

المتعاونين -اللي بـ نغفل عنهم- كتير جدًا، تخيل نفسك شغال في تجارة السيارات المستوردة من خارج مصر، ومُنع الاستيراد، هيكون وضعك في السوق إيه؟.
تخيل نفسك بتبيع منتج عباية حريمي ومعتمد على مصنع، والمصنع قفل هيكون وضع محلاتك إي؟ هي دي الفكرة بالظبط، لازم تعرف أكثر من مورد؛ ه بسبب حاجتين مهمين جداً:

• إنك تكون ملم جداً بكل جديد في السوق، إنما لو مورد واحد  فـ نوعية واحدة من السوق اللي هتشتري منك.
• مش هتكون معرض للانهيار أو رهن المورد ده بس … ودي نقطة مهمة جداً لو خايف على شغلك.

لازم تجمّع كل المعلومات اللي تعرفها لإنك هتحتاج لها في استراتيجية التسويق.